فرانسا رجعي فين مشيتي يا مون أمور



     رجعي يا فرانسا رجعي ، فين مشيتي وخليتينا هايمين ؟ رجعي يا فرانسا بلادنا من نهار خرجتيها وهي اللور اللور ، البلاد كانت غادية في البناء والعمران والنظام .. وملي خرجتي كولشي تقشر و تكال وطاح .. رجعي يا فرانسا الصبيطار لي بنيتي باقي لحد الآن صحيح وواقف ، وصبيطار بلادي غير هنا هنا تبنى وهنا هنا طاح .. رجعي يا فرانسا وسمحي لينا خرجناك بالعنف سمحي لرجالاتنا ، راه غير كانت عندهوم النفس ومرضاوش بيك .. رجعي حنا كنرحبو بيك .

    رجعي يا فرانسا راه شبابنا فقد الأمل فبلادو وبغاك نتي يا فرانسا ، حيت ناسك ناس الخدمة والمعقول ، ماشي تاع الشفرة والفساد .. رجعي يا فرانسا .. رجعي يا مون أمور .. رجعي نتي مولات الخير .. رجعي نتي مولات النظام .. رجعي نتي مولات الخدمة .. رجعي نتي مولات التقدم ..معاك كولشي خدام ، بيك كلشي مزيان ، بيك كولشي يصير منظم وكولشي معاك يكون قاري وفاهم .. أجي حاربي لينا الامية وقادي لينا الطرقان ، ووفري لينا الدوى ، وخرجينا من الديور ديال القصدير ، أجي يا فرانسا قادي لينا التلفازة راه فيها الطشاش .. رجعي يا فرانسا شكون قـلـقـك وشكون جـرى عليك ، رجعي قرينا القرايا لي قريتي للقدام ، راه التعليم ديالنا ضرباتو جايحة .. رجعي يا فرانسا رجعي يا مون أمور .

    ولكن عرفتي أش نقول ليك ؟ بقاي فداركوم ، المغاربة عندوهم نفس حارة وميرضاوش البراني يبني ليهوم البلاد ، وحتى حد ميسمح ليك تعفطي على شبر من ترابنا ، هذا جهدي عليك ، غير بقاي راه المغاربة ، واقيلا ، واقيلا ، ... واقيلا قادين بشغلهوم .

3 التعليقات:

إيمي يقول...

لعن الله هذه النفس الحارة التي ترضى يالاستعمار الباطن و تطرد الاستعمار الباطن ..
لعنها التي ترضى باستعمار المستبد و تثور على استعمار الغريب ..
لعنها لأنها قاومت فرنسا التي أخرجتنا من ركوب الحمير إلى ركوب السيارات .. و غير قادرة على محاربة من يدفننا أحياء ..

إما أن تعود فرنسا .. و تكون كل الأوراق مكشوفة ..
أو أن تخرج نفسنا الحارة فرنسا من تاريخنا و جغرافيتنا و اقتصادنا و كل شيء فينا .. بما فيه الممثلين الرسميين لها هنا ..
بالله عليك وطن أبناؤه يتكلمون بلغة المستعمر و يلومون من لا يتكلم بها أي استقلال له ؟

لكن للأسف .. إن جاءت فرنسا .. ليس لي سوى هذه النفس الحارة اللعينة التي لن تقبل أن يطأ فرنسي أرضي و أرض أجدادي ..

غير معرف يقول...

بسم الله والحمد لله والصلاة والسلام على رسوله .. لا خير في رجوع الكفار الذين يكنون لنا الحقد والكره والبغض وينظرو الينا نظرة المستغل المستنزف لثرواتنا .. ونعم لتطبيق وتحكيم شرع الله الذي ضعنا حقيقة يوم سامحنا فيه وجزءناه واخد منه مايناسبنا وتركنا مالايتوافق مع اهواءنا .. والله إنه لا رفعة لهذه الأمة الا حينما ترجع لدينه وتستمد منه تشريعها وتحكمه في شؤون حياته هذا هو الذي سيخلق التقدم والتطور والرفعة والعزة والأمن والأمان ويحارب الفقر والجريمة والاستغلال واستغلال النفوذ واستنزاف خيرات البلد بدون حق والله المستعان

محمد يقول...

اعذروني ، فقد فقدت الأمل في هذه الدولة ..

إرسال تعليق